მეცნიერება ჟურნალისტიკა

ლექტორობა მინდა... პრაქტიკულ ჟურნალისტიკასთან ერთად, რა თქმა უნდა. რამდენიმე ინსტიტუტს მივაკითხე, იქნებ რამეში გამოგადგეთ და მეც ინსტიტუტში მუშაობის გამოცდილებას მივიღებ-მეთქი (მომავალში ლექტორობის პერსპექტივით). მომავალ კვირას გავიგებ ვინმე თუ დაინტერესდა ჩემით და რამეს თუ დამავალებენ. შარშან სოციალურ მეცნიერებათა ცენტრში კონფერენციისთვის მოვამზადე თემა ქართულ მედიაში გენდერულ როლებთან დაკავშირებულ სტერეოტიპებზე. ძალიან სუსტი და არაფრისმთქმელი კი გამოვიდა, მაგრამ მე გულით ვეცადე, კარგი ყოფილიყო : )) ამ ზაფხულსაც მინდოდა რამე გამეკეთებინა, თუმცა ბოლოს თავი შევიკავე, ცოტა ხანში მედიის კვლევის მეთოდებს გავივლი და უფრო აზრიანად დავწერ, იმედია.

საერთოდ ჟურნალისტიკის მეცნიერება საქართველოში მგონი არ არსებობს. დიდი ხანია ვეძებ ორგანიზაციებს, რომლებიც დაკავებულები არიან მედია-კვლევით და ახდენენ დაკვირვებას როგორ შუქდება ესა თუ ის საკითხი, ზოგადად როგორ ვითარდება მედია, გამოსცემენ რეკომენდაციებს და ა.შ. საერთოდაც რომ არ არსებობდნენ მსგავსი ორგანიზაციები, არც ეგ გამიკვირდება. არ მაქვს ილუზია, რომ სხვა დარგების განვითარების გარეშე მედია შეიძლება ყვაოდეს... მედია ხომ ბიზნესის ერთი სახეობაა და ბიზნესის სხვა სახეობების განვითარების პროპორციულად ვითარდება...

სილამაზის სალონი ინტერნეტით

ინტერნეტის ეს ფუნქცია ჩემთვის დღემდე უცნობი იყო, არადა თურმე რა სარფიანად შეიძლებოდა გამომეყენებინა http://www.taaz.com/ და სხვა საიტები... საქმე ის გახლავთ, რომ ინტერნეტში აქეთ-იქით ბოდიალის დროს ერთ საიტს გადავაწყდი http://marina.ge/salon.php.

როგორც აღმოჩნდა, საიტის ადმინისტრატორი ქალბატონი მარინა, გარკვეული ფულის გადახდის სანაცვლოდ, თქვენს ფოტოებს სხვადასხვა სადღესასწაულო ვარცხნილობით დაამშვენებს. ვიფიქრე, ეს ყველაფერი შეიძლება ხუმრობა ყოფილიყო... ამ შემთხვევაში ჟურნალისტის უპირველესი წესი გავიხსენე (გადაამოწმე, გადაამოწმე, გადაამოწმე!!!) და ქალბატონ მარინას დავუკავშირდი, რომელმაც ინფორმაცია დამიდასტურა, მას არც მაკიაჟის გაკეთებაზე უთქვამს უარი (თანხის დამატება მოგიწევთ მაკიაჟის მიხედვითო).

ეს კი ვარცხნილობის ფასები:

''1 სურათი ულამაზესი ვარცხნილობით 10.00 ლ.
10 სურათი სხვადასხვა ვარცხნილობით 30.00 ლ.
20 სურათი სხვადასხვა ვარცხნილობით 40.00 ლ.
50 სურათი სხვადასხვა ვარცხნილობით 60.00 ლ.
100 სურათი სხვადასხვა ვარცხნილობით 80.00 ლ''

იქვე მითითებულია საბანკო რეკვიზიტები...

იდეების პრობლემა

ამ ბოლო დროს საგაზეთო სტატიებისთვის თემის შერჩევა განსაკუთრებით მიჭირს. მიუხედავად იმისა, რომ ჩემი გონება ყველგან და ყოველთვის, ყველაფერში _ მასალას ხედავს, საინტერესოს ვერაფერს ვამჩნევ. მე კი არა, უკვე ოჯახის წევრებიც კი ჩავრთე ამ საქმეში და ეძებენ ჩემთვის იდეებს, მაგრამ რეალური, აქტუალური და საინტერესო ამ დროისთვის ვერაფერი მოვიფიქრე... არადა, ძალიან მჭირდება რამდენიმე იდეა... : ((( იქნებ ვინმემ მირჩიოთ საზოგადოების სფეროში რაიმე საინტერესო თემა?

ახალი წელიც მოვიდა...

ჯერ კიდევ იმ ასაკში ვარ, როცა ახალი სასწავლო წელი ახალ წელს ნიშნავს; ამა თუ იმ წლის სიავკარგესაც სექტემბრიდან სექტემბრამდე პერიოდი განსაზღვრავს. ამ პოსტს გასული წლის ჩემთვის მნიშვნელოვან მოვლენებს დავუთმობ...

წარმატება/წინსვლა/განვითარება : )))

1. გაზეთი `ვერსია`;
მიუხედავად იმისა, რომ გაზეთში საკმაოდ პასიური ვიყავი, ბევრი რამ ვისწავლე, რაც მთავარია, სტატიების წერა და ჟურნალისტობა (ვსწავლობ კიდევ :))) ).
`ვერსიაში` პირველი სტატია ზუსტად ერთი წლის მივიტანე. მისი მოცულობა არც მეტი, არც ნაკლები, თაბახის 8 გვერდი იყო (სავსე უამრავი ლირიკული წიაღსვლითა და ჟურნალისტური `კეკლუცობით`). შემოკლებისა და გასწორების შედეგად კი იქცა აი, ასეთად: http://presa.ge/index.php?text=news&i=4185
სტატიაზე კომენტარები შეგიძლიათ ნახოთ ამ ლინკზე. http://www.despani.com/component/content/article/3420---.html
მიუხედავად იმისა, რომ კომენტარების უდიდესი ნაწილი უარყოფითია, ვერ წარმოიდგენთ როგორ გამიხარდა მისი დანახვა. ეს ნიშნავდა, რომ სტატია ხალხმა წაიკითხა...
2. რამდენიმე სტატია გაზეთ `24 საათში`;
3. სტუდენტური გაზეთი `თავისუფალი ხედვა`;
გაზეთის რედაქტორი პირველად ვიყავი. სულ 3 ნომერი გამოვიდა. ბევრი კარგი ბავშვი გავიცანი და გაზეთის აწყობა-დაკაბადონებაში აქტიურ მონაწილეობას ვიღებდი.
4. სტუდენტური გაზეთი `TSUtimes`; http://www.tsutimes.ge/
`თსუთაიმსში` დაარსების დღიდან საკმაოდ აქტიურად ვიყავი ჩართული და არც ერთი გაზეთი ისე არ მიყვარს, როგორც ეს. რედაქციიდან მხოლოდ იმიტომ წამოვედი, რომ დავინახე გაზეთი ახალს არაფერს მაძლევდა და მეც ბევრს აღარაფერს ვაკეთებდი. მოკლედ, ერთმანეთს მხოლოდ ხელს ვუშლიდით. `თსუთაიმსში` ძალიან ბევრი კარგი ბავშვი გავიცანი. ჯერ მარტო აჩიკოსთან მეგობრობა რად ღირს ;)))
5. წარჩინებულ სტუდენტთა წამახალისებელი პრეზიდენტის სტიპენდია (მგონი ასე ჰქვია);
რეიტინგულ სიაში შემოდგომის სემეტრში მგონი მე-7 ვიყავი და გაზაფხულის სემესტრში _ მე-3. წინსვლა მაქვს : )))
6. რამდენიმე ტრეინინგი;
მათ შორისაა მაკროეკონომიკის კურსებიც, რომელიც რატომ გავიარე, მეც არ ვიცი...
7. რამდენიმე სტუდენტური კონფერენცია;

მარცხი...

1. ინტერნიუსში სტაჟირების ვერ გავლა;
http://media.ge/geo/page.php?m=news_detailed&id_numb=4720
რატომღაც დარწმუნებული ვიყავი, რომ დამტოვებდნენ (ძალიან მინდოდა და შეიძლება ამიტომ), მაგრამ ბოლოს ტესტირებით 5 ბავშვიდან 3 შეარჩიეს :(((
2. ტარტუს უნივერსიტეტის გაცვლითი პროგრამა;
ამ შემთხვევაში ცუდი მხოლოდ ის კი არ იყო, რომ ამ კონკურში ვერ გავედი, ტესტირებაში მიღებულმა დაბალმა ქულამ საერთოდ უცხოეთში სწავლის იმედი დამიკარგა. თუმცა საბოლოოდ მაინც დამიბრუნდა : )))