4 წლიანი მოლოდინის შემდეგ

თსუ-ში დიპლომების გაცემა დაიწყო. ა-დან მ-მდე გვარების დიპლომებია ჯერჯერობით მზად. აღმოჩნდა, რომ დამატებითი სპეციალობა დიპლომში მართლაც არ იწერება, სამაგიეროდ, მოჰყვება 15 გვერდიანი დანართი ქართულ და ინგლისურ ენაზე, სადაც ყველაფერი დეტალურად არის ჩამოწერილი, თითოეულ საგანში მიღებული ქულაც კი. დიპლომები არის ლურჯი და წითელი ფერის. როგორც მახსოვს, წითელს GPA 3.45-ის ქონის შემთხვევაში გასცემენ. რადგან ბევრი მეკითხება რა საბუთებია საჭირო დიპლომის გამოსატანად, გადავწყვიტე ბლოგზე მოკლედ ჩამომეწერა.
1. ცნობა მაღლივის ბიბლიოთეკიდან, რომ წიგნები გატანილი არ გაქვთ;
2. ცნობა სტუდენტთა საფინანსო განყოფილებიდან (მე-2 კურპუსი, 153 ოთახი, მაია კობახიძესთან), თუ უფასოზე იღავით, ეს ცნობა არ დაგჭირდებათ;
3. პირადობის მოწმობა;
ამ საბუთების მოგროვების შემდეგ შეგიძლიათ მიაკითხოთ მე-2 კორპუსს,მე-2 სართულზე სასწავლო დეპარტამენტს და მოითხოვოთ დიპლომი მე-3 და მე-4 მაგიდებთან. სიაში მხოლოდ ხელის მოწერა მოგიწევთ და 2 წუთში თავისუფალი ხართ.
დიპლომის სხვაზე გაცემა შეიძლება მხოლოდ ნოტარიულად დამტკიცებული მინდობილობის ქონის შემთხვევაში.
და კიდევ ერთი ინფორმაცია, თსუ-ს ფილიალის სტუდენტებისთვის - სოხუმის ფილიალის კურსდამთავრებულებმა პირადობასთან ერთად უნდა წარადგინონ შემოვლის ფურცელი, რომელსაც სოხუმის უნივერსიტეტი გასცემს, დანარჩენი ფილიალის კურსდამთავრებულებმა - მხოლოდ პირადობა.

იქნებ ვინმეს გამოგადგეთ...

ძალიან მენანება ამდენი წლის მანძილზე, უნივერსიტეტის წყალობით, დაგროვილი ქსეროქსების გადაყრა, თუმცა საკმაოდ დიდ ადგილს იკავებს, აღარც მჭირდება. თავიდან გადავწყვიტე კახეთში წამეღო, მაგრამ იქაც ტყუილად უნდა ყოფილიყო ყუთში, არადა დარწმუნებული ვარ ძალიან ბევრ სტუდენტს დასჭირდება და თავიდან მოუწევს ამის გადაღებაში ფული გადახდა და რიგში დგომა. ამიტომ გადავწყვიტე ჩამოვწერო მასალები, რომლებიც აღარ მჭირდება, თუ რომელიმე მათგანი დაგაინტერესებთ, მითხარით და მოგაწვდით.
1. ანალიზური ჟურნალისტიკა, ანა ასათიანის მასალები, ყველაფერი
2. პიარი და ჟურნალისტიკა: მე-3 თავი პრ-ის როლი ორგანიზაციის სტრუქტურული სქემის ჩამოყალიბებაში; მე-6 თავი პრ ბიზნესში
3. კონფლიქტების გაშუქება: საომარი ჟურნალისტიკა, სამშვიდობო ჟურნალისტიკა და ერაყზე თავდასხმა
4. “კონფლიქტი, გენდერი და მშვიდობის მშენებლობა”:
I თავი კონფლიქტის ბუნება და მისი მართვა;
II თავი გენდერი _ სოციალური სქესი. საზოგადოება
IV თავი მშვიდობის მშენებლობა
V ქალი და მშვიდობის მშენებლობა
5. სოციალური ფსიქოლოგია:
1. სოციალური ფსიქოლოგიის საგანი და ამოცანები (I თავი)
2. ჯგუფები მე-7 თავი
3. დარწმუნება და კომუნიკაცია მე-2 თავი
4. პროსოციალური ქცევა
5. დათმობა (მიყოლა)
6. სოციალური კოგნიცია (მე-3 თავი)
7. ინტერპერსონალური მიზიდვა, აფილიაცია, მოწონება და სიყვარული (თავი V)
8. პიროვნება, ინდივიდუალური განსხვავებები და მე (სელფი)
9. აგრესია
10. სოციალური პერცეფცია: როგორ ხდება ინდივდის მიერ ინდივიდის აღქმა, თავი მე-2
6. ფსიქოლოგიის შესავალი და საფუძვლები:
ფსიქოლოგიის კვლევის მეთოდები თავი 2
ადამიანის განვითარება ცხოვრების მანძილზე; თავი 11
მოტივაცია თავი 12
ფსიქოლოგიის მეცნიერება ჩვენს ცხოვრებაში თავი 1
შეგრძნებები თავი 4
აზროვნება
ქცევის ბიოლოგიური საფუძვლები თავი 3
ინტელექტი
7. იურიდიული ფსიქოლოგია
8. ბიზნესის და ორგანიზაციის ფსიქოლოგიები:
ბიზნესის ორგანიზაციები ნაწილი 2
ტექნოლოგიური გარემო
ფსიქოლოგია და ინდუსტრია თავი 1
ბიზნესის საფუძვლები თავი 1
ბიზნესის გარემო, მკროეკონომიკური ინდიკატორები
ფსიქოლოგიის საგნის გაგების ეტაპები
ჯგუფთაშორისი ურთიერთობები და კონფლიქტი მე-5 თავი
შრომითი ჯგუფები თავი 4
კომუნიკაცია მე-7 თავი
ექსპერიმენტული ფსიქოლოგიის მოკლე ისტორია
9. გამოცდილებითი სწავლა - სწავლების მეთოდები
10. სტატისტიკა ფსიქოლოგებისთვის: 1 თავი და მე-6 თავი
11. ქართული ენა:
ორთოეპია
ჩიქობავა “ქართული ენის ზოგადი დახასიათება”
“ერთი ტიპის კონსტრუქციის ევოლუციისათვის ქართულში~ ა. პაპიძე
“ქართული ჟურნალ-გაზეთების სახელების მოტივაციისა და სტრუქტურის საკითხები”, მ. ტაბიძე
“დარღვევები თანამედროვე გამოყენებისას თანამედროვე ქართული პრესის ენაში~, კალანდაძე
“ზმნასთან დაკავშირებული ზოგი საკითხი თანამედროვე ქართული პრესის ენაში~ ა. პაპიძე
“ზოგიერთი აბრევიატურა”
“მნიშვნელობის თვალსაზრისით შეუფერებელი სიტყვათშეთანხმებანი თანამედროვე ქართული პრესის ენაში”, თ. ზურაბიშვილი, ც. კალაძე
სიტყვათგანლაგება მარტივ თხრობით წინადადებებში თანამედროვე ქართულში”, შ. აფრიდონიძე

ქართული სალიტერატურო ენის ისტორია, ზ. ჭუმბურიძე, კონსპექტები
ენათმეცნიერება კონსპექტები, კონსპექტები
“ძველი ქართული წარწერები” თავი 1
შედარებითი ლიტ.მცოდნეობის მასალები
პრაქტიკული სტილისტიკა და ენის ნორმალიზაციის საკითხები
თანამედროვე ქართული პროზის ძირითადი მიმართულებები

მომწერეთ
gelashvili.nino@yahoo.com

რატომ შეიძლება მომენატროს თსუ?

დღეს ბოლო გამოცდაც ჩავაბარე და თსუ-სთან ოთხწლიანი ურთიერთობა დავამთავრე. Facebook-ზე ყოველი შესვლისას ბოლო ზარის სურათები და "მომენატრება", "გული მწყდება" კომენტარებს ვხედავ. ცოტათი, ალბათ, მეც მომენატრება, თუმცა განსაკუთრებულ "გულის წყვეტას" ვერ ვგრძნობ. სკოლის დროსაც ასე ვიყავი, არც შევმცდარვარ, არ მომნატრებია, უბრალოდ კარგად მახსენდება, თსუ-ც ასე იქნება;
საერთოდ, როცა კარგად აგრძელებ, როცა შემდეგი საფეხური გხვდება, მაშინ ნოსტალგია და მონატრება ნაკლებად ჩნდება. მაგალითად, თუ მაგისტრატურაში ჩავაბარე ისე, როგორც მინდა, მაშინ არ ვიტყვი, ნეტა ისევ წინა წელი იყოს-მეთქი...

და თუ თსუ-ში გატარებული წლების დაბრუნება მაინც მომინდება, მხოლოდ იმიტომ, რომ რაღაცები შევცვალო, რაღაც სწორად არ გამიკეთებია... სწავლით კარგად ვსწავლობდი და ამ მხრივ, რაც შეიძლება სტუდენტს წაეღო, მაქსიმალურად მიმაქვს, თუმცა ვფიქრობ, რამდენად სწორად ვანაწილებდი დროს, რამდენად სწორი პრიორიტეტები მქონდა... ეს ყველაფერი ძალიან მალე გამოჩნდება.

ფოტოს ავტორი: ლევან მელიქიშვილი

სემინარი - მედია და არჩევნები

მე-4 კურსელებისთვის ხვალ უნივერსიტეტში ბოლო სასწავლო დღეა, შეგვიძლია ეს დღე ნაყოფიერად გამოვიყენოთ და დავესწროთ სემინარს დღეს ყველაზე აქტუალურ საკითხზე: არჩევნების გაშუქება.მით უმეტეს, რომ უნივერსიტეტში სწავლის პერიოდში ამ თემაზე სპეციფიკური კურსი არ გაგვივლია. მოკლედ,
11 ივნისს, თსუ VI კორპუსის დარბაზში, 14:00 საათზე გაიმართება ამერიკელი პროფესორის, ჩრდილოეთ დაკოტის შტატის უნივერსიტეტის კომუნიკაციების ლექტორის – მარკ მაისტერის საჯარო ლექცია თემაზე: მედია და არჩევნები. დასწრება თავისუფალია.
სემინარი საათ-ნახევარი გაგრძელდება და ხელს არ შეგვიშლის ბოლო ზარის ღონისძიებაზე დასწრებაში.

ოქტომბრის რევოლუცია და მოძმე რესპუბლიკები ანუ რას ვსწავლობთ დღეს...

„თანამედროვე ეტაპზე სსრკ ხალხთა ლიტერატურული ურთიერთობების და ერთიანი საბჭოთა ლიტერატურის სახით, მსოფლიო ლიტერატურის ისტორიაში თვისობრივად ახალ მოვლენასთან გვაქვს საქმე.“ _ ეს ერთ-ერთი წინადადებაა ფილოლოგიის ფაკულტეტის სახელმძღვანელოდან.
მსგავს ფრაზებს წიგნში ბევრად შეხვდებით. ქვემოთ შეგიძლიათ რამდენიმე გვერდს გაეცნოთ.


თავიდან გადავწყვიტე გამეხაზა წინადადებები, მაგრამ ბოლოს მთელი გვერდის აჭრელება მომიხდა და თავი დავანებე.
სხვათაშორის, უნივერსიტეტში სახელმძღვანელოების პრობლემაზე ერთ საინტერესო სტატიას ვაკეთებ და იმედია, უახლოეს მომავალში დაიბეჭდება და მასაც გაგაცნობთ.

თსუ-ს სტუდენტური გაზეთები: მოგონებები, სიახლები და პრობლემები

უცნაურია, მაგრამ 2006 წელს, როცა სტუდენტი გავხდი, ერთადერთი სტუდენტური გაზეთი იურიდიულ ფაკულტეტს ჰქონდა. გაზეთს საკმაოდ საბჭოური სახელი, `ახალგაზრდა იურისტი` ერქვა და სტუდენტური თვითმმართველობის დაფინანსებით გამოდიოდა, რაც, ჩემი აზრით, საკმაო შეზღუდვებთან უნდა ყოფილიყო დაკავშირებული. მიუხედავად ამისა, უნივერსიტეტის ერთადერთ სტუდენტურ გაზეთში წერა გადავწყვიტე. უზომოდ გამიხარდა, როცა ერთ დღეს აჩიკო კაიკაციშვილმა დამირეკა და მითხრა, ჩვენი გუნდის წევრი ხარო. ასე დაიწყო და დაიწყო : ))

გაზეთის წევრები უნივერსიტეტში საკმაოდ აქტიური და მოაზროვნე სტუდენტები აღმოჩნდნენ. თვეში რამდენჯერმე მე-8 კორპუსში, გაზეთისთვის გამოყოფილ პატარა ოთახში ვიკრიბებოდით ე.წ. სხდომებზე. ვკამათობდით ბევრს, თუ რა უნდა გასულიყო, როგორ უნდა გასულიყო, ვინ რას დაწერდა და ასე შემდეგ.
ერთი წლის შემდეგ `ახალგაზრდა იურისტი` `თსუთაიმსმა` შეცვალა.
ამ გაზეთებს, რა თქმა უნდა, მხოლოდ სტუდენტები ვაკეთებდით. ჩვენ ვწერდით, ვარედაქტირებდით, ვავრცელებდით და ხანდახან ჩვენვე ვკითხულობდით (აჩი, არ გეწყინოს :) ) თუმცა, რედაქციის გული და სული, მამა და ბურჯი, უპირობოდ აჩიკოა. ჩემთვის ეს არის მაგალითი იმისა, თუ როგორ შეიძლება უყვარდეს ადამიანს თავისი საქმე და იყოს მისი ერთგული.

ერთი საინტერესო პროცედურა გვქონდა გასავლელი რედაქციას ყოველი არჩევის მერე (წლის დასაწყისში ახალი რედაქცია კომპლექტდებოდა ხოლმე), ვირჩევდით მიმართულებების ხელმძღვანელებს, პასუხისმგებელი გუნდის ხელმძღვანელს, პიარმენეჯერს :) თქვენ წარმოიდგინეთ და პასუხისმგებელი გუნდის ხელმძღვანელობის პატივი მეც მხვდა :) , თუმცა დიდხანს აღარ გავჩერებულვარ და მალე, შარშან დეკემბრის ბოლოს დავტოვე რედაქცია. მიმაჩნდა, რომ გაზეთში ჩემი თავი ამოვწურე, ახალს ვერაფერს ვაკეთებდი და გაზეთისგანაც მივიღე ყველაფერი, რაც უნდა მიმეღო: გავიცანი უნივერსიტეტში ძალიან აქტიური სტუდენტები, ვიყავი უნივერსიტეტში მიმდინარე მოვლენების ეპიცენტრში :) , გამოვიმუშავე ჟურნალისტისთვის საჭირო უნარები. თანაც იმდროისთვის რამდენიმე გაზეთში დავიწყე წერა და, უბრალოდ, ვეღარ ვასწრებდი.
როცა გაზეთიდან წამოვედი, ბევრი ძალიან თბილი sms მივიღე, ბანალურია, მაგრამ მაშინ ვფიქრობდი, რომ მართლა ღირდა ჩემი სტუდენტობის ამ საქმისთვის დათმობა. ჩემი ადგილი კი ნათია თამაზაშვილმა, ძალიან ჭკვიანმა და მოტივირებულმა ადამიანმა დაიკავა . დღეს გავიგე, რომ ნათია მე-3 კურსის სტუდენტმა ნინი ჯაჯანიძემ შეცვალა. მე მგონი, ნინის ყველაზე რთულ დროს უწევს გაზეთის მართვა, როცა `თსუთაიმს` ფინანსური პრობლემების გამო, მხოლოდ ონლაინ უწევს მუშაობა. მე მთელი გულით ვუსურვებ ნინის წარმატებებს და გაზეთის ფეხზე დაყენებას.

აქცია: „ნუ იტყუები!“

გუშინ საღამოს ექსპრომტად გადავწყვიტეთ გოგოებმა, რომ გაგვეპროტესტებინა იმიტირებული „ქრონიკა“ და დილას შევიკრიბეთ მე-6 კორპუსის წინ. საინტერესო აქცია იყო, ცივილური, ემოციების გარეშე ვისაუბრეთ. რაც მთავარია პოლიტიკასთან ახლოს არ მივსულვართ. საერთოდ, საქართველოში აპოლიტიკური აქციები, როგორც წესი, არ ეწყობა, ან ეწყობა, მაგრამ მცირე მასშტაბით. არადა, მსგავსი აქციები, სამოქალაქო საზოგადოების აქტიურობა დემოკრატიის განვითარებისთვის უმნიშვნელოვანესია. როგორც ჩანს, დემოკრატიამდე ჯერ კიდევ ძალიან შორს ვართ, იქამდე კი, როგორც ლიკა იტყოდა, ხშირად მოგვიწევს რუსთაველზე გასვლა და ძახილი: შენ წადი! შენ მოდი!



ლინკები ჩვენი აქციის შესახებ:

http://24saati.ge/index.php/news/2010-03-15/4317

http://www.netgazeti.ge/GE/2/News/1109/

http://itv.ge/?p=54156

http://www.expressnews.ge/?p=3466

http://medianews.ge/index.php/ka/content/24634/

http://www.media.ge/ka/node/36644

პ.ს. ახლახან გამომიგზავნეს, სავარაუდოდ, გიორგი არველაძისა და ეკა წამალაშვილის სატელეფონო ჩანაწერი , სადაც საუბარია რა ფორმით უნდა გასულიყო იმიტირებული „ქრონიკა“. თუ ჯერ არ მოგისმენიათ, ალბათ, დაგაინტერესებთ...

სტუდენტებო, 15 მარტს, 12:00 საათზე დავაფიქსიროთ ჩვენი პროტესტი არაპროფესიონალიზმის წინააღმდეგ!

ივანე ჯავახიშვილის სახელობის თბილისის სახელმწიფო უნივერსიტეტის სტუდენტები გამოვხატავთ პროტესტს 13 მარტს ტელეკომპანია 'იმედის' ეთერში გასულ იმიტირებულ ქრონიკასთან დაკავშირებით.
ჩვენ არ გვსურს, რომ მგავსი შემთხვევა კვლავ განმეორდეს და ამ მიზნით, ჩვენს თანატოლებს, სტუდენტ ჟურნალისტებს მოვუწოდებთ კარგად გაიაზრონ მომხდარი. გულისტკივილით აღვნიშნავთ, რომ 14 მარტს ვარდების მოედანზე გამართულ აქციაზე პროტესტის გამოსახატად ჟურნალისტების მცირე ნაწილი მივიდა. იმედს გამოვთქვამთ, რომ სტუდენტები გამოიჩენენ გონიერებას და 15 მარტს, 12 საათზე, თსუ-ს მე-6 კორპუსის წინ, ნახევარი საათით მოვლენ და დააფიქსირებენ თავიანთ პროტესტს არაპროფესიონალიზმის წინააღმდეგ. აქცია აპოლიტიკურია და ემიჯნება პოლიტიკურ პარტიებს.

დამატებითი ინფორმაციისთვის დაგვიკავშირდით: 899 757907

ჟურნალისტიკის სტუდენტების საყურადღებოდ! :)

ეს ინფორმაცია ჟურნალისტიკის მიმართულების სტუდენტებს გეხებათ.
შეგიძლიათ გადმოწეროთ ცხრილი ამ ლინკიდან .
აკადემიური რეგისტრაცია, ანუ საგნების არჩევა დაიწყება, სავარაუდოდ, ორშაბათიდან.
ალბათ, იცით, რომ საბაკალავრო ნაშრომი გახდა არჩევითი და მხოლოდ სურვილის შემთხვევაში შეგიძლიათ აირჩიოთ...
წარმატებები ყველას :)

12 რჩევა ჟურნალისტებს

რამდენიმე თვის წინ თსუ-ში ლექციების ჩასატარებლად ჩამოსული იყო ცნობილი გერმანელი ჟურნალისტი გიუნტერ ფონ ლოევსკი. კურსი რომ საინტერესო იქნებოდა, ამას თქვენითაც მიხვდებით...
დღეს ძველ ბლოკნოტში შემხვდა ამ ლექციების ჩანაწერები და გადავწყვიტე ბლოგზე დამედო ლოევსკის 12 რჩევა ჟურნალისტებს. ბევრ საინტერესო და სასარგებლო რამეს აღმოაჩენთ :)
1. იყავი ყოველთვის ყურადღებით და კარგად დააკვირდი;
2. ბევრი ცოდნა შეიძინე;
3. იკითხე მუდმივად და კრიტიკულად. შეადარე შენი ნამუშევრები სხვისას;
4. ყოველდღე გაიცანი მინიმუმ 3 ადამიანი;
5. გამოიჩინე ინიციატივა და იყავი კრეატიული;
6. იყავი ბეჯითი, მომთმენი და საფუძვლიანი;
7. არ იყო პარტიული, იყავი მიუკერძოებელი და ყოველთვის მოუსმინე მეორე მხარეს;
8. როგორც ჟურნალისტს, გეჭიროს დისტანცია ყველასა და ყველაფრისადმი;
9. გაიზიარე ყველას ინფორმაცია და აზრი არ აურიო ერთმანეთში;
10. ილაპარაკე გასაგებად, მოერიდე რთულ ენას და მცდარ სათაურებს;
11. თავი აარიდე ვრცელ შესავლებს;
12. ისწავლე წერტილის დასმა. შეწყვიტე, როცა მორჩები.

ბოლო არდადეგები, თათია და მე-6 კორპუსი

დღეს გამოცდებს მოვრჩი და ჩემი ბოლო არდადეგები დაიწყო, ბოლო რადგან წელს უნივერსიტეტს ვამთავრებ... როგორც წესი არდადეგებისთვის უამრავ რამეს ვგეგმავ და, ასევე, როგორც წესი, ნახევარსაც ვერ ვაკეთებ-ხოლმე.

განვლილ სემესტრს რაც შეეხება, ერთ-ერთი ყველაზე დატვირთული პერიოდი მქონდა უნივერსიტეტში. ამ სემესტრში გადავიღე პირველი სიუჟეტი, გავაუმჯობესე მეტყველება (ასე მეუბნებიან გოგოები და მეც წინა რადიო-სიუჯეტებს რომ ვადარებ, შედარებით თავისუფლად და სუფთად ვლაპარაკობ). ქულები წინა სემესტრებთან შედარებით, დაბალი გამომდის, არადა, წინა სემეტრში სტუდენტურ გაზეთებსაც ვაკეთებდი და `ვერსიაშიც` უფრო აქტიური ვიყავი.

მომავალ სემესტრში სიამოვნებით გავაგრძელებდი ტელეს და რადიოს. ტელეში ჩართოლანისგან ბევრი ვისწავლე და კიდევ რადიოს გავაგრძელებდი, იმიტომ კი არა, რომ რადიო მიყვარს....... იმიტომ, რომ მყავს უსაყვარლესი ლექტორი, თათია. დღეს ჩვენი ჯგუფის ნამუშევარი რომ მოისმინა, გვითხრა, მიხარია, რომ გიცნობთო :) ისე გამიხარდა, ვერ გადმოგცემთ. ვინც თათიას არ იცნობთ, გეტყვით, რომ ეს არის ადამიანი, რომელთანაც საქმე აქვს მე-6 კორპუსში თითქმის ყველა სტუდენტ-ლექტორს, მაგრამ ვერ ნახავთ, რომ თათია იყოს დაღლილი, მოწყენილი, სულ გვიღიმის და ყველას ყველაფერში გვეხმარება. ახლა თავისუფლად ვლაპარაკობ მასზე იმიტომ, რომ უკვე ჩაბარებული მაქვს საგანი, თანაც მაღალ ქულაზე და ეს ნაწერი `პათხალიმობა` არ იქნება :)

მიხვდებოდით, რომ ფოტოზე თათიაა, თვითონ ფოტო კი თაზო კუპრეიშვილის facebook-იდან ავიღე.

ნიკა გვარამაიამ წარჩინებულ სტუდენტთა ნაწილს პრეზიდენტის ე.წ. 150 ლარიანი სტიპენდიები გაუუქმა

ბოლო რამდენი დღეა სტუდენტები ალაპარაკდნენ, რომ სტიპენდიანტების ნაწილს სამინისტრო დააფინანსებს და ნაწილს უნივერსიტეტი. თითქოს, განსხვავებული იქნება თანხის ოდენობაც. 150 ლარის ნაცვლად, სამინისტრო მაღალი რეიტინგის მქონე სტუდენტებს გადაუხდის 180 ლარს და შედარებით დაბალი რეიტინგის მქონდე სტუდენტები უნივერსიტეტისგან 120 ლარს მიიღებდნენ, თავისი საშემოსავლო დაქვითვით. რა თქმა უნდა, ერთობ სასიხარულო იყო ინფორმაცია პირადად ჩემთვის :))) (თუ არ გავითვალისწინებ, რომ ჩემი მეგობრები სიის ბოლოშიც არიან და მათზე გული დამწყდა). დღეს თსუ-ს ფორუმზე დავწერე ეს ამბავი და აი, რა გავიგე:

ნიკა გვარამაიამ წარჩინებულ სტუდენტთა ნაწილს პრეზიდენტის ე.წ. 150 ლარიანი სტიპენდიები გაუუქმა

16:22 - 22.12.2009

განათლებისა და მეცნიერების ყოფილმა მინისტრმა ნიკა გვარამაიამ "განათლების მისაღებად" უცხოეთში წასვლამდე წარჩინებულ სტუდენტთა ნაწილს პრეზიდენტის ე.წ. 150 ლარიანი სტიპენდიები გაუუქმა. საქმე იმაშია, რომ თუ ადრე სახელმწიფო პროგრამის "პრეზიდენტის სტიპენდიები ბაკალავრიატის ყველა წარჩინებულ სტუდენტს" ფარგლებში უნივერსიტეტებს თანხები სტუდენტთა საერთო რაოდენობის პროპორციულად ეძლეოდათ, გვარამიას 26 ნოემბრის #1048 ბრძანების თანახმად, ეს კრიტერიუმი შეიცვალა და სტიპენდიებს სახელმწიფო უნივერსიტეტების სტუდენტთა მხოლოდ 2% მიიღებს. ყოფილი მინისტრის აღნიშნული ბრძანება არც იყო "გაციებული", რომ სახელმწიფო უნივერსიტეტებში შემოდგომის სემესტრის სტიპენდიების გაცემა დაიწყეს და სტიპენდიანტთა კონტინგენტი თითქმის სამჯერ შემცირდა. კერძოდ, თუ ადრე პრეზიდენტის სტიპენდიებს სოხუმის სახელმწიფო უნივესიტეტის 117 სტუდენტი იღებდა, გვარამიას ბრძანების "წყალობით" ეს რაოდენობა 31-მდე შემცირდა. რაც შეეხება თბილისის სახელმწიფო უნივერსიტეტს, სტიპენდიანტთა რაოდენობა განახევრდა და 750-დან 370-მდე შემცირდა. "განათლებისა და მეცნიერების უკვე ყოფილი მინისტრის ბრძანების თანახმად, სტიპენდიანტთა რიცხვი თსუ-შიც შემცირდა, თუმცა უნივერსიტეტის რექტორის გიორგი ხუბუას გადაწყვეტილებით, წარჩინებულ სტუდენტთა დარჩენილ ნაწილს სტიპენდიებს თავად უნივერსიტეტი დაუნიშნავს", - განუცხადა "პირWელს" თსუ-ის სასწავლო პროცესის მართვის სამსახურის უფროსმა რუსუდან ჩიქოვანმა. "პირWელი" დაინტერესდა, რატომ გადაწყვიტა გვარამიამ "განათლების მისაღებად" უცხოეთში წასვლამდე პრეზიდენტის სტიპენდიანტ სტუდენტთა კონტინგენტის შემცირება. სამინისტროში ექს-მინისტრის ამ გადაწყვეტილებას სტიპენდიების გამჭვირვალედ გაცემის აუცილებლობით ხსნიან. "როგორც ცნობილია, 2008 წლიდან პრეზიდენტის 150 ლარიანი სტიპენდიები სახელმწიფო ინივერსიტეტების წარჩინებულ სტუდენტებს ეძლეოდათ, თუმცა მაშინ შესაბამის დებულებაში სტიპენდიანტთა კონტინგენტი განსაზღვრული არ იყო და სტიპენდიები ბიუჯეტში არსებულ თანხას ერგებოდა. ამიტომ მეტი გამჭვირვალეობისთვის, ყოფილი მინისტრის ბრძანებით, სტიპენდიები სტუდენტთა რაოდენობის 2%-ს მიეცემა", - განუცხადა "პირWელს" განათლებისა და მეცნიერების სამინისტროს სტუდენტთა და მეცნიერთა ხელშეწყობის სამსახურის უფროსმა ვალერი გობრონიძემ. მისივე თქმით, ამ დროისთვის განათლებისა და მეცნიერების აკრედიტაციის ეროვნულ ცენტრში 53 953 სტუდენტია რეგისტრირებული, სტიპენდიას კი მათი 2%, ანუ 1080 სტუდენტი იღებს. აღსანიშნავია კიდევ ერთი დეტალი. როგორც ცნობილია, 2010 წლის სახელმწიფო ბიუჯეტში განათლებისა და მეცნიერების სამინისტროსთვის 557 მლნ ლარია გაწერილი, რაც მიმდინარე წლის ბიუჯეტში გათვალისწინებულ თანხაზე 37 მლნ ლარით მეტია. თუმცა გაზრდილი ბიუჯეტისა და ხელისუფლების მტკიცების მიუხედავად, რომ "განათლება მთავრობისთვის ერთ-ერთი პრიორიტეტული სფეროა", განათლების სამინისტროს 2010 წლის ბიუჯეტში სახელმწიფო პროგრამისთვის "პრეზიდენტის სტიპენდიები ბაკალავრიატის წარჩინებულ სტუდენტებს" 1 მლნ 800 ათასი ლარია გათვალისწინებული, მაშინ, როდესაც მიმდინარე წელს ეს თანხა 2 მლნ 106 750 ლარს შეადგენდა.

http://pirweli.com.ge/index.php?option=com_content&task=view&id=39738&Itemid=1

სტიპენდიანტების სიები მზადაა

სოციალურ-პოლიტიკურზე სტიპენდიის სიები უკვე გამოაკრეს. სულ 84 ბავშვია გამარჯვებული. მე ვარ მე-4 სიაში :) რეზო ჯორბენაძემ როგორც გვითხრა, ფული, 600 ლარი, 15 დეკემბრის შემდეგ ერთიანად დაირიცხება. 

ტელევიზია VS PR სკოლა

'იმედის' ჟურნალისტების პრესსამსახურებში გადაყვანა გრძელდება. მანანა მანჯგალაძის შემდეგ ვახო სანაია თბილისის სახელმწიფო უნივერსიტეტის პრესსამსახურის უფროსად გადაიყვანეს(ხელფასი 1700 ლარი ექნება:)). როგორც გავიგე, ახალი სამსახურის პარალელურად, იმედში მუშაობას გააგრძელებს ...  

სანაია თსუ-ს პრესსამსახურში 18 ნოემბერს დაინიშნა, 20-ში კი თსუ-ს იმედის გენერალური დირექტორი, გიორგი არველაძე ეწვია. როგორც ხედავთ, სანაიამ პიარსამსახურში მუშაობა ნაყოფიერად დაიწყო :)

ის, რაც ხდებოდა დღეს...

მომავალი რამდენიმე დღის განრიგი წინასწარ ვიცი ხოლმე და ძალიან არ მიყვარს, როცა რაიმე მიზეზით რაღაცების შეცვლა მიწევს. დღეს კი ფაქტიურად ისე გამოვიდა, რაც დაგეგმილი მქონდა, ვერაფერი გავაკეთე... 

ყველაფერი გუშინ ღამედან დაიწყო, ერთმა ჩემმა რესპონდენტმა მოულოდნელად გადაწყვიტა, რომ სახელისა და გვარის გამოქვეყნება არ სურდა და არც კომენტარი მოუცია ჩემთვის, თურმე უბრალოდ, ისე მელაპარაკა.... მიუხედავად იმისა, რომ გავუგზავნე ჩანაწერი, სადაც გარკვევით ვეკითხები, შემიძლია თუ არა მისი საუბრის გამოყენება და ისიც გარკვევით მთანხმდება.... მოკლედ, ძალიან მანერვიულა, გვიანობამდე ველაპარაკებოდი facebook-ზე და ღამეც რომ დავწექი, ვფიქრობდი, რამეში მე ხომ არ ვიყავი დამნაშავე. ამას წინა დღეების უძილობა დაემატა და დილით საჭიროზე გვიან გამეღვიძა... :((( გადავწყვიტე ლექციები გამეცდინა და ტელეგადაცემის პროექტი დამეწერა, მერე სოციალური საკითხების გაშუქების კოლოკვიუმი მომემზადებინა, 4-სთვის `ვერსიაში~ წავსულიყავი და მერე სალონში. 

პროექტის ბიუჯეტის დასაწერად კამერებისა და სამონტაჟოების ფასები მაინტერესებდა და ამის გასაგებად ბევრ სააგენტოში დავრეკე, გავუგზავნე მეილები, რამაც საკმაოდ დიდი დრო წაიღო, ამიტომ გადავწყვიტე, რედაქტორისთვის დამერეკა და ტელეფონით შემეთანხმებინა სტატიის თემა, ასეც მოვიქეცი და ზუსტად 6-ის ნახევარზე ვაკის აუზის სალონში ვიყავი. კოსმეტოლოგთან რომ შევედი, სხვა დამხვდა მასთან და შორენამ, ჩემმა კოსმეტოლოგმა მითხრა, შენ 5-ის ნახევარზე იყავი ჩაწერილიო, ძალიან გავბრაზდი, აშკარად 6-ის ნახევარზე ჩავეწერე.... გარეთ ყური მოვკარი, ნინო ანანიაშვილი არის მოსულიო.... როგორც ჩანს, ჩემი რიგიც მან მიითვისა :))) იქნებ რამე შემეშალა და 6-ის მაგივრად, მექანიკურად 5-ის ნახევარი ვუთხარი, მაგრამ რატომ ვეტყოდი? მოკლედ, არ ვიცი.... ის კი ფაქტია, რომ პარასკევს 11-ის ნახევარზე ვიყავი ჩაწერილი მაგავე სალონში და 12-ის 10 წუთამდე ველოდე, მართალია, მე ინგლისური მქონდა სასწავლი და დავჯექი და ვსწავლობდი, მაგრამ 40 წუთით დაგვიანება ყველა შემთხვევაში ცუდია.... მაგის გამო, მერე ინგლისურზეც დამაგვიანდა, შესაბამისად გვიან გამოვედი, მერე სემინარს ვატარებდი და იქაც ძლივს მივუსწარი.

დღევანდელ დღეს რომ დავუბრუნდე, სალონიდან პოპულიში წავედით მე და ჩემი და სოკოს ღვეზელის საყიდლად, აღარ დაგვხვდა და საშინლად უგემური რაღაცები ვიყიდეთ :))) თანაც  ოთხ პოპულს ჩავუარეთ ჩვენი ყვითელი ავტობუსით და ჩემმა დამ, რატომღაც მაინც კოლმეურნეობის მოედანზე წამიყვანა.

უნივერსიტეტში კი მოვახერხე შერბენა და ანკეტის შევსება, სახლშიც გავაკეთე რაღაცები, მარა... :((( მოკლედ, ჩემი სიზარმაცისა და გარემოპირობებით შექმნილი უსიამოვნებების გამო (ვაღიარებ, რომ ძირითადად ჩემი სიზარმაცის, რადგან ორივე დავალება დიდი ხნის წინ მოგვცეს გასაკეთებლად), სოციალური საკითხებიც და პროექტიც ხვალისთვის ისევ გასაკეთებელი მაქვს. პლუს ამას, ზეგისთვის მინდოდა ინგლისურის სწავლა და სიუჟეტის სცენარის გაკეთება, რადგან ხვალ გვიან ვრჩები ლექციებს...  

ხვალიდან გერმანელი ლექტორის სემინარები გვეწყება უნივერსიტეტში, ყოველ საღამოს გვექნება და დიდი ინტერესით ველოდები :)

რას მერჩის თსუ-ს ადმინისტრაცია

3 კვირის წინ სტიპენდიებზე მქონდა სტატია და წყაროებზე დაყრდნობით ვწერდი, რომ 2010 წლის ბიუჯეტის პირველ ვარიანტში სტუდენტთა სტიპენდია გათვალისწინებული არ იყო. რა თქმა უნდა, სტატიაში მქონდა, განათლების სამინისტროს, თსუ-ს და ა.შ. კომენტარები. 
მერე ჩემს მეგობარსაც მივეცი კომენტარი სტიპენდიებზე როგორც სტუდენტმა და ვთქვი, რომ ეს პროგრამა ჩემთვის მნიშვნელოვანი იყო და გული დამწყდა, როცა გავიგე, შეიძლება 2010 წლიდან აღარ გაგრძელდეს-მეთქი (სიტყვები ზუსტად არ მახსოვს, შინაარსით ასეთი იყო).

დღეს რეკავენ უნივერსიტეტის ადმინისტრაციიდან დეკანატში და კითხულობენ წინა სემესტრში მქონდა თუ არა სტიპენდია და რატომ ვამბობ, რომ `სტიპენდიები აღარ არის`. გადავამოწმე და სტატიაში ასეთი რამეს არსად ვამბობ. ამიტომ მრჩება ეჭვი, რომ დაინტერესდნენ რატომ ვიყავი ამ საკითხით ასეთი დაინტერესებული და რატომ ვავრცელებდი სტატიებითა და კომენტარებით ინფორმაციას წამახალისებელი პროგრამის შესახებ.

ძალიან, ძალიან მეწყინა, რომ თსუ-ს ადმინისტრაციაში ტექსტებს კარგად ვერ იგებენ და მეორეც, დაეძებენ და ამოწმებენ ბავშვებს, ვინც გარკვეულ ინფორმაციას ავრეცელებს...  

გამოცხადდა კონკურსი სტიპენდიაზე

გამოცხადდა წარჩინებულ სტუდენტთა სტიპენდიის პროგრამა. პირობები იგივეა, რაც წინა სემესტრებში, ანუ 81-100 ქულამდე შეფასება ყველა საგანში, სასურველია სტატიები ან კონფერენცებში მონაწილეობა. საბუთების მიღება 13 ნოემბრამდეა. ესეც ანკეტა...

ანეკდოტები იდეოლოგიის სადარაჯოზე :)))

პაპა-ბებიისგან გამიგონია, რომ მათ ახალგაზრდობაში ანეკდოტებში საბჭოთა კავშირი ყველაზე მაგარი, ხოლო მისი ლიდერები ყოველთვის საზრიანი, გონებამახვილი და ენაკვიმატი ხალხი იყო. ჩემი მშობლების თაობაში ანუ დაახლოებით 80-იანი წლებისთვის ეს უკვე ასე აღარ იყო, ჩემს თაობაზე რომ აღარაფერი ვთქვა. ამასწინათ ერთ-ერთ ლექციაზე აფხაზებზე ჩამოვარდა სიტყვა და ჩემმა ჯგუფელმა ერთი ანეკდოტი გაიხსენა: აფხაზს ეკითხებიან რამდენი წლის ხარო, 35-ისო, პასუხობს. 5 წლის შემდეგ იგივე შეკითხვას უსვამენ და აფხაზიც ისევ 35-ს პასუხობს. როცა ეკითხებიან 35 წლის ხომ 5 წლის წინ იყავიო, აფხაზი ამბობს, რომ აფხაზები სიტყვას არ ცვლიან. 
თუმცა რა გასაკვირია მსგავსი ანეკდოტების შემორჩენა, როცა ამასწინათ ერთ-ერთ დაბადების დღეზე (თბილისში, გორში არ გეგონოთ:)), ჩემი ჯგუფელის მეგობარმა სტალინის სადღეგრძელო დალია...

მეცნიერება ჟურნალისტიკა

ლექტორობა მინდა... პრაქტიკულ ჟურნალისტიკასთან ერთად, რა თქმა უნდა. რამდენიმე ინსტიტუტს მივაკითხე, იქნებ რამეში გამოგადგეთ და მეც ინსტიტუტში მუშაობის გამოცდილებას მივიღებ-მეთქი (მომავალში ლექტორობის პერსპექტივით). მომავალ კვირას გავიგებ ვინმე თუ დაინტერესდა ჩემით და რამეს თუ დამავალებენ. შარშან სოციალურ მეცნიერებათა ცენტრში კონფერენციისთვის მოვამზადე თემა ქართულ მედიაში გენდერულ როლებთან დაკავშირებულ სტერეოტიპებზე. ძალიან სუსტი და არაფრისმთქმელი კი გამოვიდა, მაგრამ მე გულით ვეცადე, კარგი ყოფილიყო : )) ამ ზაფხულსაც მინდოდა რამე გამეკეთებინა, თუმცა ბოლოს თავი შევიკავე, ცოტა ხანში მედიის კვლევის მეთოდებს გავივლი და უფრო აზრიანად დავწერ, იმედია.

საერთოდ ჟურნალისტიკის მეცნიერება საქართველოში მგონი არ არსებობს. დიდი ხანია ვეძებ ორგანიზაციებს, რომლებიც დაკავებულები არიან მედია-კვლევით და ახდენენ დაკვირვებას როგორ შუქდება ესა თუ ის საკითხი, ზოგადად როგორ ვითარდება მედია, გამოსცემენ რეკომენდაციებს და ა.შ. საერთოდაც რომ არ არსებობდნენ მსგავსი ორგანიზაციები, არც ეგ გამიკვირდება. არ მაქვს ილუზია, რომ სხვა დარგების განვითარების გარეშე მედია შეიძლება ყვაოდეს... მედია ხომ ბიზნესის ერთი სახეობაა და ბიზნესის სხვა სახეობების განვითარების პროპორციულად ვითარდება...

ახალი წელიც მოვიდა...

ჯერ კიდევ იმ ასაკში ვარ, როცა ახალი სასწავლო წელი ახალ წელს ნიშნავს; ამა თუ იმ წლის სიავკარგესაც სექტემბრიდან სექტემბრამდე პერიოდი განსაზღვრავს. ამ პოსტს გასული წლის ჩემთვის მნიშვნელოვან მოვლენებს დავუთმობ...

წარმატება/წინსვლა/განვითარება : )))

1. გაზეთი `ვერსია`;
მიუხედავად იმისა, რომ გაზეთში საკმაოდ პასიური ვიყავი, ბევრი რამ ვისწავლე, რაც მთავარია, სტატიების წერა და ჟურნალისტობა (ვსწავლობ კიდევ :))) ).
`ვერსიაში` პირველი სტატია ზუსტად ერთი წლის მივიტანე. მისი მოცულობა არც მეტი, არც ნაკლები, თაბახის 8 გვერდი იყო (სავსე უამრავი ლირიკული წიაღსვლითა და ჟურნალისტური `კეკლუცობით`). შემოკლებისა და გასწორების შედეგად კი იქცა აი, ასეთად: http://presa.ge/index.php?text=news&i=4185
სტატიაზე კომენტარები შეგიძლიათ ნახოთ ამ ლინკზე. http://www.despani.com/component/content/article/3420---.html
მიუხედავად იმისა, რომ კომენტარების უდიდესი ნაწილი უარყოფითია, ვერ წარმოიდგენთ როგორ გამიხარდა მისი დანახვა. ეს ნიშნავდა, რომ სტატია ხალხმა წაიკითხა...
2. რამდენიმე სტატია გაზეთ `24 საათში`;
3. სტუდენტური გაზეთი `თავისუფალი ხედვა`;
გაზეთის რედაქტორი პირველად ვიყავი. სულ 3 ნომერი გამოვიდა. ბევრი კარგი ბავშვი გავიცანი და გაზეთის აწყობა-დაკაბადონებაში აქტიურ მონაწილეობას ვიღებდი.
4. სტუდენტური გაზეთი `TSUtimes`; http://www.tsutimes.ge/
`თსუთაიმსში` დაარსების დღიდან საკმაოდ აქტიურად ვიყავი ჩართული და არც ერთი გაზეთი ისე არ მიყვარს, როგორც ეს. რედაქციიდან მხოლოდ იმიტომ წამოვედი, რომ დავინახე გაზეთი ახალს არაფერს მაძლევდა და მეც ბევრს აღარაფერს ვაკეთებდი. მოკლედ, ერთმანეთს მხოლოდ ხელს ვუშლიდით. `თსუთაიმსში` ძალიან ბევრი კარგი ბავშვი გავიცანი. ჯერ მარტო აჩიკოსთან მეგობრობა რად ღირს ;)))
5. წარჩინებულ სტუდენტთა წამახალისებელი პრეზიდენტის სტიპენდია (მგონი ასე ჰქვია);
რეიტინგულ სიაში შემოდგომის სემეტრში მგონი მე-7 ვიყავი და გაზაფხულის სემესტრში _ მე-3. წინსვლა მაქვს : )))
6. რამდენიმე ტრეინინგი;
მათ შორისაა მაკროეკონომიკის კურსებიც, რომელიც რატომ გავიარე, მეც არ ვიცი...
7. რამდენიმე სტუდენტური კონფერენცია;

მარცხი...

1. ინტერნიუსში სტაჟირების ვერ გავლა;
http://media.ge/geo/page.php?m=news_detailed&id_numb=4720
რატომღაც დარწმუნებული ვიყავი, რომ დამტოვებდნენ (ძალიან მინდოდა და შეიძლება ამიტომ), მაგრამ ბოლოს ტესტირებით 5 ბავშვიდან 3 შეარჩიეს :(((
2. ტარტუს უნივერსიტეტის გაცვლითი პროგრამა;
ამ შემთხვევაში ცუდი მხოლოდ ის კი არ იყო, რომ ამ კონკურში ვერ გავედი, ტესტირებაში მიღებულმა დაბალმა ქულამ საერთოდ უცხოეთში სწავლის იმედი დამიკარგა. თუმცა საბოლოოდ მაინც დამიბრუნდა : )))