Friday 30 October 2009

დაარბევს თუ არა წლევანდელ ჰელოუნს მართლმადიდებელ მშობელთა კავშირი?



ყველასათვის უკვე ცნობილია, რომ წელს ჰელოუინი კლუბებში `გურუ`, `nightoffice`,  `ვაკანდა` და ლისის ტბაზე აღინიშნება... თუმცა ჯერჯერობით ბევრმა არ იცის როგორ გააპტოტესტებს ამ დღესასწაულს მართლმადიდებელ მშობელთა კავშირი. 

და, აი, მასზე პასუხი ჟურნალისტის დღიურისგან: 

როგორც აღმოჩნდა, წელს ისინი სკოლებში საინფორმაციო ბუკლეტების დარიგებითა და გაფრთხილებებით შემოიფარგლნენ. `ჩვენ კლუბების ხელმძღვანლებს დავუკავშირდით და ვთხოვეთ, რომ არ ჩაეტარებინათ. ეს მათი საქმეა და ღვთის წინაშე ისინი აგებენ პასუხს. გარეთ ნუ გამოვლენ და პროპაგანდას ნუ გაუწევენ, თორემ დახურულ სივრცეში ზოგს გადაწყვეტილი აქვს, რომ სული მიჰყიდოს ეშმაკს. ჩვენ ვეუბნებით ჩვენს სათქმელს და თუ არ შეიგნებენ, ეს მათი საქმეა.~_ ამბობს მართლმადიდებელ მშობელთა კავშირის თანათავმჯდომარე.

მაპატიეთ, თუ იმედები გაგიცრუეთ... თქვენს წარმოდგენაში დახატული დარბევა, სავარაუდოდ, არ შედგება.... :)))

Tuesday 27 October 2009

აი, რა ...

დღეს ambebi.ge-ზე ვკითხულობდი რაღაც სტატიას. მეზობლად საინტერესო შეკითხვები დავინახე, მივყევი და, აი, რა ვნახე :)))) mkurnali.ge-ზე ექიმი პასუხობს ხალხის შეკითხვებს:

შეკითხვა: - გამარჯობათ, ვარ 24 წლის ქალიშვილი, მე მაინტერესებს ამ ასაკში ქალიშვილობა პათოლოგიად ითვლება თუ ნორმაა? წინასწარ მადლობას გიხდით ყურადღებისთვის.

პასუხი: - ალბათ ხუმრობთ. პათოლოგიად ითვლება თავაშვებული ცხოვრების წესი და გარყვნილება. ქალიშვილობა, თუნდაც სიცოცხლის ბოლომდე, რატომ უნდა ითვლებოდეს პათოლოგიად? კარგია, როცა ქალი ოჯახს ქმნის, შვილებს აჩენს და ამით ერს ამრავლებს, მაგრამ ტრაგედია არც ის არის, თუ ქალი ოჯახს ვერ შექმნის და სიცოცხლის ბოლომდე ქალიშვილი დარჩება. ქალიშვილობა არანაირ დაავადებას არ იწვევს და არც კარგი საქმეების კეთებას უშლის ხელს. თავშეკავება და საკუთარი ვნებების მართვა პიროვნების სიძლიერეზე და თავისფლებაზე მეტყველებს, თანაც არც მედიცინის თვალსაზრისითაა გაუმართლებელი და მორალურად კი მისასალმებელია. ყველას უნდა ახსოვდეს, რომ ხშირ და შემთხვევით სქესობრივ კონტაქტებს მრავალი დაავადება, მათ შორის შიდსიც, მოჰყვება.

შეკითხვა: - დიდი ბოდიში ასეთი კითხვისთვის, ვარ 23 წლის, მაქვს სექსუალური ლტოლვები, გათხოვებას ჯერ არ ვაპირებ.

პასუხი: - ვერანაირ რჩევას ვერ მოგცემთ გარდა იმისა, რომ თუ თავს ვერ უმკლავდებით, მაშინ უნდა მიმართოთ სექსოლოგს ან ფსიქოლოგს.

შეკითხვა: - ბევრისგან გამიგია, ფეხმძიმობაში ქათმის ღვიძლიანი ხელი სახეზე არ მოისვა, თორემ ბავშვს სახეზე წითელი ლაქა დააჩნდებაო, ნუთუ მართალია? მადლობთ.

პასუხი: - ეს მხოლოდ ხალხში მოარული ცრურწმენა გახლავთ - მსგავსი რამ მეცნიერულად არავის დაუსაბუთებია.

შეკითხვა: - მაინტერესებს, კბილის კარიესს, ან მოუწესრიგებელ კბილებს - პირის ღრუს შეუძლია გამოიწვიოს ფეხმძიმობის ხელის შეშლა?

პასუხი: - არა, კბილის კარიესი არ შეიძლება გახდეს უშვილობის მიზეზი. უნდა მიმართოთ გინეკოლოგს, რათა ჩაგიტარდეთ სრულყოფილი (ექოსკოპია, ჰორმონული ანალიზი, ნაცხის ანალიზი) გამოკვლევა. საჭიროა მეუღლეც იქნას ანდროლოგთან გამოკვლეული.

Sunday 25 October 2009

`ოხშივარასული` ხილის ფესტივალი და `გლოვადაკრული` ჟრიამული რიყეზე

შარდენზე თბილისობა ხილის ფესტივალის სახელითა და მწვადებით აღინიშნა. თუ მოინდომებდით, რამდენიმე ადგილას ხილით მორთულ მაგიდებსაც დაინახავდით. 
ისევე, როგორც მონდომება მოგიწევდათ, რომ რიყეზე გამართულ კონცერტზე შავის გარდა სხვა ფერი შეგენიშნათ. რამდენიმე მომღერლის გამოსვლას გავუძელი და ყველა შავებში იყო გამოწყობილი, თანაც ერთმანეთის მიყოლებით: წამყვანები: გოგოლა კალანდაძე, მალხაზ ქვრივიშვილი, მონაწილეები: ნინო ძოწენიძე, მამუკა ონაშვილი, თამთა ჭელიძე... მათი შემხედვარე ხალხი კი კმაყოფილი ჩანდა, ცეკავდნენ და მობილურით სურათებს უღებდნენ გამომსვლელებს.

ტივზე მოქეიფე სუბელიანს (სხვების გავრები ვერ გავიხსნე, სახეზე კი მეცნო ზოგი) ხალხი ხიდიდან დიდი ინტერესით გულშემატკივრობდა. ტივზე მყოფებს შორის ყველაზე ბედნიერი `ალანიას` ჟურნალისტი ჩანდა, მარტო მაგის სიხარულისთვის ღირდა მთელი ღონისძიების მოწყობა...  


Thursday 22 October 2009

ანეკდოტები იდეოლოგიის სადარაჯოზე :)))

პაპა-ბებიისგან გამიგონია, რომ მათ ახალგაზრდობაში ანეკდოტებში საბჭოთა კავშირი ყველაზე მაგარი, ხოლო მისი ლიდერები ყოველთვის საზრიანი, გონებამახვილი და ენაკვიმატი ხალხი იყო. ჩემი მშობლების თაობაში ანუ დაახლოებით 80-იანი წლებისთვის ეს უკვე ასე აღარ იყო, ჩემს თაობაზე რომ აღარაფერი ვთქვა. ამასწინათ ერთ-ერთ ლექციაზე აფხაზებზე ჩამოვარდა სიტყვა და ჩემმა ჯგუფელმა ერთი ანეკდოტი გაიხსენა: აფხაზს ეკითხებიან რამდენი წლის ხარო, 35-ისო, პასუხობს. 5 წლის შემდეგ იგივე შეკითხვას უსვამენ და აფხაზიც ისევ 35-ს პასუხობს. როცა ეკითხებიან 35 წლის ხომ 5 წლის წინ იყავიო, აფხაზი ამბობს, რომ აფხაზები სიტყვას არ ცვლიან. 
თუმცა რა გასაკვირია მსგავსი ანეკდოტების შემორჩენა, როცა ამასწინათ ერთ-ერთ დაბადების დღეზე (თბილისში, გორში არ გეგონოთ:)), ჩემი ჯგუფელის მეგობარმა სტალინის სადღეგრძელო დალია...